Dod o hyd i'ch etholaeth Senedd
Mae etholiad nesaf y Senedd yn digwydd ar 7 Mai 2026.
Bydd 16 ardal pleidleisio yn yr etholiad. Gelwir y rhain yn etholaethau.
Bydd 6 Aelod o'r Senedd yn cael eu hethol ymhob etholaeth.
Crëwyd yr etholaethau newydd yn dilyn arolwg gan Gomisiwn Democratiaeth a Ffiniau Cymru.
I greu'r 16 etholaeth, roedd yn rhaid i'r Comisiwn gyfuno 32 etholaeth seneddol y DU yng Nghymru yn barau.
Map o'r holl etholaethau
Dyma enwau'r 16 etholaeth:
- Bangor Conwy Môn
- Clwyd
- Fflint Wrecsam
- Gwynedd Maldwyn
- Ceredigion Penfro
- Sir Gaerfyrddin
- Gŵyr Abertawe
- Brycheiniog Tawe Nedd
- Afan Ogwr Rhondda
- Pontypridd Cynon Merthyr
- Blaenau Gwent Caerffili Rhymni
- Sir Fynwy Torfaen
- Casnewydd Islwyn
- Caerdydd Penarth
- Caerdydd Ffynnon Taf
- Pen-y-bont Bro Morgannwg
Map rhyngweithiol
Mae'r Senedd wedi cynhyrchu map rhyngweithiol defnyddiol lle gallwch gymharu'r etholaethau hen a newydd, a dod o hyd i'ch etholaeth eich hun drwy chwilio gyda'ch cod post.
Newidiadau eraill yn yr etholiad hwn
Mae'r system bleidleisio a nifer yr Aelodau o'r Senedd hefyd yn newid yn etholiad 2026. Gallwch ddysgu mwy am y newidiadau ar wefan y Senedd.
Dysgwch fwy
Mae Bwrdd Rheoli Etholiadol Cymru yn datblygu bwrwpleidlais.cymru, gwefan a fydd yn cynnwys yr holl wybodaeth sydd ei hangen arnoch cyn yr etholiad. Bydd bwrwpleidlais.cymru yn cael ei lansio ym mis Mawrth 2026.
Mae rhagor o wybodaeth am etholiad y Senedd hefyd ar gael ar wefan y Comisiwn Etholiadol.